Leitaðu í Canvas-leiðbeiningum HÍ

Á canvas.hi.is finnurðu leiðbeiningar fyrir kennara, nemendur og starfsfólk. Leiðbeiningarnar taka mið af Canvas-umhverfi Háskóla Íslands og þeim verkfærum sem þar eru notuð.

Notaðu leitina á vefnum til að finna leiðbeiningar um ákveðnar aðgerðir. Þú getur líka farið í flokkinn Kennarar og skoðað efni út frá viðfangsefnum.

Fáðu aðstoð eða ráðgjöf

Ef þú finnur ekki lausn geturðu sent hjálparbeiðni á hjalp@hi.is. Settu Canvas í efnislínu og lýstu málinu vel og láttu fylgja allar viðeigandi upplýsingar, s.s. númer og nafn námskeiðs, heiti verkefnis eða prófs ef við á o.s.frv. Einnig er praktískt að láta vefslóðir fylgja, t.d. á verkefni, skjáskot eða annað sem við á.

Þú getur líka valið Hjálp í bláu Canvas-valmyndinni og síðan Láttu vita af villum til að tilkynna vandamál.

Kennarar geta einnig bókað samtal eða Teams-fund með Canvas-ráðgjafa. Sjá allar leiðir til að fá hjálp og ráðgjöf ↗

Notaðu gervigreind til að finna réttu leiðina

Stundum er erfitt að finna leiðbeiningar þegar þú þekkir ekki heitin á verkfærum Canvas. Þá getur gervigreind hjálpað þér að átta þig á hvaða verkfæri hentar og útskýrt hvernig þú notar það. Lýstu einfaldlega með eigin orðum hvað þú vilt gera.

Dæmi um fyrirspurn:

„Ég vil láta nemendur velja sér ritgerðarefni í Canvas þannig að mest tíu geti valið hvert efni. Hvaða verkfæri á ég að nota og hvernig set ég það upp? Láttu fylgja tengla á viðeigandi leiðbeiningar, helst á canvas.hi.is eða í opinberum leiðbeiningum Instructure.“

Athugaðu: Gervigreind getur gefið úreltar eða rangar upplýsingar og jafnvel vísað á tengla sem eru ekki til. Berðu því svörin saman við Canvas-leiðbeiningar HÍ og sannreyndu tenglana. Ekki setja persónuupplýsingar nemenda eða önnur trúnaðargögn í opin gervigreindarverkfæri.