Á síðastliðnu ári hafa nemendur og starfsfólk Háskóla Íslands þurft að takast á við fjölda áskorana í námi og kennslu. Við höfum öðlast reynslu sem mikilvægt er að deila, ræða og læra af til að styðja við og efla þróun kennsluhátta til framtíðar. Í þessum tilgangi býður Kennslusvið, í samstarfi við kennsluþróunarstjóra fræðasviðanna, til samtals með röð viðburða víðs vegar í háskólasamfélaginu.

Samtalið hófst með opnum fundi í streymi þann 16. apríl 2021 kl. 13:00 – 14:15

Dagskrá fundar

Hefjum samtalið: Jón Atli Benediktsson, rektor Háskóla Íslands
Nú er lag – kennsluþróun á krossgötum: Guðrún Geirsdóttir, dósent og deildarstjóri Kennslumiðstöðvar Háskóla Ísland
The importance of significant networks and academic microcultures in educational development: Dr. Katarina Mårtenson, dósent við deild háskólakennsluþróunar, Háskólanum í Lundi
Opnun vefsíðu og kynning á frekari viðburðum

Fundarstjóri: Róbert H. Haraldsson, sviðsstjóri kennslumála Háskóla Íslands

Hugvekjur

Til að hefja samtalið hafa nokkrir einstaklingar innan Háskóla Íslands góðfúslega fallist á að viðra sín sjónarmið um hin ýmsu málefni sem hollt og gott er að leiða hugann að á þessum tímum og sem geta orðið veganesti fyrir frekara samtal. Þau er að finna í stuttum myndböndum hér að neðan.

Viðburðir á fræðasviðunum

Fjarmenntabúðir

Þann 20. maí 2021 voru haldnar fjarmenntabúðir við Háskóla Íslands. Þar gafst kennurum tækifæri til að deila þekkingu sinni og reynslu og að læra hver af öðrum.

Dagskrá menntabúðanna má nálgast hér.

Málþing um kennsluþróun: Hvert stefnum við nú?

Þann 1. júní 2021 var haldið málþing með kennslunefndum fræðasviða, kennslustjórum, kennsluþróunarstjórum, og fulltrúum kennslusviðs.

Dagskrá:

12:30 – Setning málþings - Róbert H. Haraldsson

12:45 – Stuttar kynningar:

Margrét Sigrún Sigurðardóttir og Magnús Þór Torfason – Tengslakönnun meðal nemenda við HÍ.
Amalía Björnsdóttir og Þuríður Jóhannsdóttir – Viðhorf nemenda til náms og kennslu á tímum Covid-19
Kolbrún Þ. Pálsdóttir og Ellen Dröfn Gunnarsdóttir – Viðhorf kennara til náms og kennslu á tímum Covid-19

13:30 – Rætt var í hópum um þrjár eftirfarandi spurningar:

Hvað er það mikilvægasta sem við höfum lært um nám og kennslu á liðnum misserum og hvað er mikilvægt að taka áfram?
Hvernig getum við stutt kennara við að halda í þá reynslu og þekkingu sem þeir hafa öðlast á síðustu misserum?
- Hafið í huga:
  - Fjölbreytta kennsluhætti
  - Stafræna kennsluhætti
  - Námssamfélag nemenda
  - Sveigjanleika nemenda í námi
  - Námsmat og endurgjöf
  - Annað?
Er eitthvað annað sem hópnum finnst mikilvægt að draga fram í þessu samtali?

Hér má sjá afrakstur af umræðum hópanna.

14:30 – Þingi slitið

Hér er að finna ýmsar greinar, hlaðvörp og fleira um kennsluþróun í háskólum á tímum Covid-19

_{Frásögnum safnað um skólastarf í samkomubanni}