Með því að setja vægi á verkefni strax í upphafi misseris getur kennari sparað sér vinnu í lok námskeiðs við frágang lokaeinkunna. Að auki fá nemendur góðar upplýsingar um samsetningu námsmats og vægi verkefna.

Til að skilgreina vægi verkefnis svo að lokaeinkunn reiknist rétt, er nauðsynlegt að setja verkefnið í sk. verkefnahóp (Assignments Group). Vægið er síðan sett á verkefnahópinn, ekki verkefnið sjálft. Fara þarf í Verkefni í valmynd námskeiðs til að setja upp verkefnahópa og skrá vægi. Allt sem þar er gert uppfærist um leið í einkunnabók námskeiðs. Sjá nánar myndband fyrir neðan.

Athugið! Þegar fleiri en eitt verkefni eru höfð í sama verkefnahóp þurfa verkefnin innan hópsins að hafa sama punktafjölda eigi þau að hafa sama vægi innan hópsins.

Myndband
Vægi verkefna sett upp
Dæmi um útreikning

Vægi verkefna virkjað í námskeiði

Byrjað er á að virkja vægi fyrir verkefnahópa námskeiðs.

Farið í Verkefni í valmynd námskeiðs (vinstra megin).
Smellið á þrípunktinn í efra hægra horni (sjá mynd) og veljið Vægi verkefnahópa.
Merkið við Vegin lokaeinkunn byggð á verkefnahópum (sjá mynd). Í glugganum er einnig hægt að skrá vægi fyrir þá verkefnahópa sem þegar hafa verið stofnaðir.
.

.
Vistið breytingar.

Verkefnahópar settir upp

Smellið á +Hópur í efra hægra horni (hér er verið að stofna hóp verkefna, ekki nemenda).
.

.
Gefið verkefnahópnum heiti, skráið vægi hópsins og vistið.

.

Um leið og verkefnahópur er stofnaður verður til dálkur fyrir hann í einkunnabók námskeiðs. Nemendur fá bæði einkunn fyrir verkefni og fyrir verkefnahóp. Einkunn verkefnahóps er sýnd sem hlutfall.

Þegar verkefni er stofnað er verkefnið ávallt sett í tiltekinn verkefnahóp um leið. Kennari getur einnig stofnað nýjan verkefnahóp um leið og hann stofnar verkefni. Það er gert með því að velja Nýr hópur þar sem stendur verkefnahópur í uppsetningu verkefnisins. Það sama á við um próf og umræður sem gefin er einkunn fyrir.

DÆMI:
Sem dæmi gætu verkefni og verkefnahópar litið út á eftirfarandi hátt :

yfirlit yfir verkefnahópa.png

Vægi stillt fyrir stakt verkefni

Til að stilla vægi fyrir stakt verkefni þarf að setja það í sér verkefnahóp og gefa verkefnahópnum vægi.

Vægi stillt fyrir stakt verkefni

Verkefni færð á milli hópa

Einfalt er að draga verkefni á milli hópa og/eða breyta röð verkefnahópanna með því að nota færa táknið.

færa verkefni og verkefnahópa

Möguleikar í stillingum verkefnahóps

Verkefnahópur býður upp á nokkra möguleika í stillingum t.d. að sleppa lægstu einkunn nemanda í verkefnum innan verkefnahópsins og að tiltaka verkefni sem ekki má sleppa einkunn fyrir. Stillingarnar verða aðgengilegar eftir að búið er að setja verkefni í verkefnahópinn.

Breyta stillingum verkefnahóps

Smella þarf á þrípunktinn fyrir verkefnahópinn og velja Breyta. Í glugganum er t.d. hægt að tiltaka eina eða fleiri lægstu einkunnir nemenda sem skulu falla niður í verkefnahópnum.

stillingar verkefnahóps.PNG

Æfingapróf eða verkefni sem eiga ekki að hafa vægi í lokaeinkunn

Ef gefin er einkunn fyrir verkefni eða annað í námskeiði sem ekki á að hafa vægi í lokaeinkunn þarf annað hvort að setja það í verkefnahóp sem hefur 0 í vægi eða merkja við Ekki reikna þetta verkefni með í lokaeinunn í uppsetningu verkefnisins.

Sjá nánar á vef Instructure:
How do I weight the final course grade based on assignment groups?

Sjá einnig:

Vægi verkefnahóps og fjöldi punkta fyrir verkefni

Ef fleiri en eitt verkefni er í sama verkefnahópi ræður punktaafjöldi verkefnanna vægi þeirra innbyrðis. Nemandinn fær ávallt einkunn bæði fyrir stök verkefni og einkunn fyrir verkefnahópinn. Fyrir hvern verkefnahóp er einkunn nemanda/prósentugildið reiknuð með því að deila mögulegum punktafjölda sem hægt er að fá fyrir verkefni hópsins í þann punktaafjölda sem nemandi hlýtur fyrir verkefnin.

DÆMI:
Einn verkefnahópur inniheldur þrjú verkefni sem samtals geta gefið nemanda 25 punkta. Tiltekinn nemandi fær samtals 15 punkta af 25 eða 60% fyrir verkefnahópinn. Prósentugildi nemandans er margfaldað með vægi verkefnahópsins. Útkoman fyrir alla verkefnahópana er svo lögð saman til að fá út lokaeinkunn nemandans.

Sem dæmi eru verkefni námskeiðs sett upp í þrjá verkefnahópa (A, B og C) sem hafa vægið 20%, 50% og 30%. Útreikningur lokaeinkunnar nemanda yrði þá (prósentugildi A * vægi A) + (prósentugildi B * vægi B) + (prósentugildi C * vægi C) = lokaeinkunn í prósentum. Ef nemandi fær 75% fyrir verkefnahóp A, 98% fyrir verkefnahóp B og 87% fyrir verkefnahóp C, væri útreikningurinn eftirfarandi: (0,75 * 0,20) + (0,98 * 0,50) + (0,87 * 0,30) = 0,901, eða 90.1%.

Algengast er að verkefni sé 10 punktar sem merkir að einkunn nemanda verður á bilinu 0-10 (með aukastöfum) og að einkunnin sé sýnd sem punktar (sýna einkunn sem) sem þýðir einfaldlega að nemandinn sér einkunnina sína einnig á skalanum 0-10. Verkefnum er þó hægt að gefa annan punktafjölda ef það hentar betur t.d. að láta punktafjölda endurspegla fjölda atriða í verkefni. Einkunnir verkefna er síðan hægt að sýna sem punkta, hlutfall eða nota tiltekinn einkunnaskala til að sýna einkunn t.d. Lokið/Ólokið. Athugið að á bak við skala eru ávallt tölur þar sem kerfið þarf að nota tölur til að reikna út heildareinkunnir verkefnahópa og lokaeinkunn. Ef verkefni hefur 10 punkta og einkunn er sýnd sem Lokið/Ólokið fær nemandi raunverulega 0 (ólokið) eða 10 (lokið). Lokaeinkunn birtist bæði sem hlutfall og sem einkunn á skalanum 0-10 í heilum og hálfum.