Til baka í grunn námskeiðsvefs

Nemendur hafa ekki aðgang að námskeiðsvef fyrr en eftir að hann hefur verið birtur. Það sama á við um einstök atriði námskeiðsvefs s.s. verkefni, síður og einingar/vikur (e. modules). Hvert atriði þarf að birta til að nemendur sjái það.

Til að kynna sér efnið og skipuleggja vinnu sína fram í tímann þurfa nemendur og aðstoðarfólk nemenda með sérúrræði aðgang að námskeiðsvef í síðasta lagi um leið og námskeið hefst. Best er að námskeiðsvefur sé birtur að minnsta kosti tveimur vikum áður en kennsla hefst.

Námskeiðsvefur birtur nemendum

Smellið á Birta í efra hægra horni á heimasíðu námskeiðsins.

birta námskeið

Eftir að námskeiðsvefur hefur verið birtur er staða námskeiðs sýnd með grænum hnappi sem segir Birt.

staða námskeiðs birt

Nemandasýn

Til að sannreyna hvort einstök atriði á námskeiðsvef eru aðgengileg nemendum er farið í nemandasýn. Það er gert með því að smella á hnappinn í efra hægra horni námskeiðsvefsins.

Til að fara úr nemandasýn þarf að smella á Fara úr nemandasýn í neðra hægra horni. Ekki nægir að smella á til baka í vafranum.

úr nemandasýn

Einstök atriði og einingar námskeiðsvefs birt nemendum

Til að birta einstök atriði á námskeiðsvefnum, smellið á Birta táknið birta aftan við atriði s.s. aftan við skrár, síður eða verkefni (táknið verður grænt). Athugið að einnig er nauðsynlegt að birta eininguna (vikuna) til að nemandi hafi aðgang að efninu innan einingarinnar. Græna táknið þarf bæði að koma fram í einingu (gráa línan) og við atriði.

birta

Sjá leiðbeiningar á vef Instructure.