Til baka í einkunnir og endurgjöf

Um matskvarða

Matskvarði er safn viðmiða sem notuð eru til að meta vinnu nemenda. Viðmiðin eru ýmist höfð með eða án tölulegs skala. Matskvarðar geta verið einfaldir eða flóknir og þá er gott að nota bæði í leiðsagnar- og lokamati. Matskvarði gefur nemendum til kynna væntingar kennara varðandi verkefnisvinnu og kröfur sem gerðar eru til úrlausnar verkefnis og veitir kennara ramma til að taka ákvarðanir varðandi kennslu.
Dæmi um matskvarða

Nokkrir kostir þess að nota matskvarða

Matskvarði stuðlar að hlutlægu og gagnsæju námsmati og gefur nemendum innsýn í námsmatið.
Matskvarði gefur til kynna væntingar kennarans og hvað er mikilvægt.
Matskvarði gefur nemendum upplýsingar um út frá hvaða forsendum verk þeirra muni verða metið og hjálpar til við vinnu verkefnisins.
Að loknu námsmati fá nemendur í hendur mikilvæg gögn um styrkleika og veikleika eigin verkefnis, geta notað námsmatið til að bæta árangur sinn og jafnvel skila verkefni aftur ef þannig háttar.
Niðurstöður rannsókna hafa sýnt fram á að nemendur kunna að meta námsmat með matskvarða og nýta sér niðurstöðurnar í náminu (Reddy and Andrade, 2010).
Matskvarðar auka samræmi í einkunnagjöf, hver úrlausn er metin út frá sömu viðmiðum, einnig þegar fleiri kennarar sjá um námsmatið.
Matskvarði í jafningjamati hjálpar nemendum að gefa og fá hagnýta merkingarbæra endurgjöf.
Notkun matskvarða getur sparað tíma við námsmatið.

Matskvarði settur upp í Canvas
Matskvarði settur í verkefni, umræðu eða próf - Sama matskvarða er hægt að nota aftur og aftur, í mismunandi verkefnum og námskeiðum.
Einkunn látin reiknast út frá matskvarðanum - Merkja þarf sérstaklega við í stillingum matskvarða, inn í viðeigandi verkefni, hvort matskvarðinn eigi að stýra einkunn nemanda (þessi möguleiki er oftast notaður).

Matskvarði skref fyrir skref og ólíkar gerðir matskvarða

Á vef kennslumiðstöðvar háskólans Colorado Boulder er farið í gerð matskvarða skref fyrir skref, mismunandi tegundir matskvarða, bestu venjur við hönnun þeirra og notkun, og sýnd nokkur dæmi um ólíka matskvarða.

Fleiri möguleikar í Canvas

Matskvarði sendur til annars kennara
Tilbúnir matskvarðar í opnu efni skoðaðir/sóttir
Matskvarða deilt í opnu efni
Spurningar og svör um matskvarða
Matskvarði úr Excel fluttur inn í Canvas

Hæfniviðmið tengd við matskvarða