Einkunnir - Endurgjöf - Vægi

Áður en mögulegt er að flytja einkunnir úr Canvas í Uglu er nauðsynlegt að rétt sé gengið frá einkunnabókinni og tryggja að þar séu engin auð hólf sem gilda til einkunnar og að allar einkunnir séu birtar.

Athugið sérstaklega vel að ef gerð er krafa um lágmarkseinkunn í einum eða fleiri námsþáttum til þess að ljúka námskeiði þarf að gera sérstakar ráðstafanir sem eru útskýrðar hér: -> Hvað ef nemandi náði ekki öllum námsmatsþáttum.

1. Stilla verkefni sem ekki gilda til lokaeinkunnar

Ef verkefni í einkunnabók á ekki að gilda til lokaeinkunnar er nauðsynlegt að merkja við það í stillingum verkefnis.

2. Skrá einkunnina 0 ef vanskilaverkefni á að draga einkunn niður

Ef nemandi átti að skila verkefni en gerði það ekki og á að fá 0 fyrir það verkefni þarf að skrá það í einkunnabókina.

Hægt er að gera það fyrir öll verkefni í einu með því að opna einkunnabókina, smella á tannhjólið lengst til hægri og stilla vanskilastefnu þannig að einkunnahlutfallið fyrir vanskil sé 0%:

3. Skrá „Undanþegið“ ef nemandi mátti sleppa því að skila verkefni.

Ef skil á verkefni voru valkvæð og nemandi mátti sleppa því að skila þarf að merkja það rétt í einkunnabókinni eins og sýnt er í þessu myndbandi:

Flutningur lokaeinkunna í Uglu

Eftir að gengið hefur verið frá einkunnabók í Canvas og lokaeinkunnir eru klárar, þarf að flytja lokaeinkunnir nemenda í Uglu og birta einkunnir í nemendaskrárkerfinu.

Um fjóra valmöguleika við skráningu lokaeinkunnar í Uglu
1. Einkunnaskali frá 0,0-10
2. Staðið án einkunnar
3. Fall án einkunnar
4. Fjarverandi
Lokaeinkunnir skoðaðar í Uglu eftir að búið er að birta

Eftir að einkunnir hafa verið fluttar í Uglu er hægt að lagfæra einkunn nemanda í biðtöflu, breyta t.d. í fjarverandi eða fall án einkunnar. Sjá leiðbeiningar um flutning einkunna úr Canvas í Uglu.