Til baka á upptökur og fjarfundi

Teams er sá hugbúnaður sem Upplýsingatæknisvið mælir með fyrir fjarfundi. Aðstæður geta þó verið þannig að Zoom henti betur, t.d. fyrir stundakennara sem ekki hafa aðgang að kerfum Háskólans. Sjá leiðbeiningar um Zoom.

Í Canvas er Teams hnappur í ritlinum og þess vegna hægt að setja upp fund hvar sem hægt er að opna ritilinn í Canvas, t.d. á síðu í námskeiði eða tilkynningu. Síðu með fundinum er með einum smelli hægt að birta í námskeiðsdagatalinu.

Nemendur sem eru meðlimir í hóp geta einnig sett upp fjarfund í Teams með sama hætti á heimasvæði hóps.

Fjarfundur settur upp
Nokkur ráð
Fleira

Kostir þess að setja upp fjarfund í Teams á síðu í Canvas

Síðuna með fjarfundinum er einfalt að láta birtast sjálfvirkt í verkalista nemenda og í námskeiðsdagatali.
Síðuna er hægt að setja á viðeigandi stað á námskeiðsvefnum s.s. inn í viku (einingu).
Fyrir utan tengilinn á fundinn er hægt að láta koma fram á síðunni upplýsingar um efni fundarins eða fundardagskrá.
Hægt er að nota sömu síðu undir upptöku af fundinum sé hann tekinn upp.
Síðuna er einfalt að birta hvar sem er í námskeiðsinu s.s. í tilkynningu til nemenda eða í kennsluáætlun.
Hægt er að nota sömu síðuna (og sama fundartengilinn) fyrir alla fjarfundi námskeiðs, þá hentar að stilla henni t.d. efst á námskeiðsvefinn.
Ef kennari kýs að hafa síðuna fyrir fundinn í vikum námskeiðsins (einingum) þá er einfalt að draga hana í viðeigandi viku eða afrita hana nokkrum sinnum og setja inn í viðkomandi vikur.

Nokkur ráð

Mælt er með því að endurræsa tölvuna sem notuð verður áður en kemur að fundi.
Betra er að vera í netsamband með snúru en nota þráðlaust netsamband.
Áður en fjarfundur er settur í gang kemur sér vel að loka öllu því sem ekki stendur til að sýna á fundinum en opna og hafa tilbúið það sem maður ætlar að sýna
Ef maður er að halda fund í Teams í fyrsta skipti er ágætt að setja fund í gang til prufu til að kynnast umhverfinu og prófa atriði sem maður ætlar að nota á alvöru fundinum.
Ef taka á upp fund þarf að láta þátttakendur vita af því fyrir fram og láta vita þegar upptaka er sett í gang.
Það er góð regla að slökkva á hljóðnemanum þegar maður sjálfur er ekki að tala, til að lágmarka hættu á hljóðtruflunum.
Fundarspjallið er oft notað til að taka á móti spurningum og til að láta þátttakendur kynna sig í upphafi en ef sá sem heldur fundinn er ekki með aðstoð getur verið hentugra að slökkva á spjallinu.

Upptaka af fjarfundi gerð aðgengileg öllum nemendum námskeiðs

Athugið! Þegar fjarfundur er tekinn upp og deilt með nemendum fá einungis þeir nemendur aðgang að upptökunni sem voru staddir á fundinum. Til að gera upptöku aðgengilega öllum nemendum námskeiðs þarf að gera ráðstafanir. Sjá hér: http://uts.hi.is/stream_nidurhal_panopto_upphal_i_canvas

Hvernig á að deila glærum í Teams?

„Breakout rooms“ í Teams

Búa til herbergi í Teams - Á meðan fundur er í gangi og áður en fundur hefst.
„Breakout rooms“ vídeókennsla á Youtube

Hverjir mættu á fundinn? - Viðveruskrá

Nánari leiðbeiningar um einstök atriði