Til baka í þátttöku og skil

Í umræðum læra nemendur hver af öðrum, takast á við að svara spurningum samnemenda og kennara, þjálfast í að útskýra mál sitt, nota tungutak fræðanna, tengja við hugtök og kenningar og tengja efnið við eigin reynslu og þekkingu.

Markmið umræðu þurfa að vera skýr. Hvað eiga nemendur að fá út úr umræðunni? Mikilvægt er einnig að gefa rúm fyrir samantekt í lok umræðu, annað hvort kennarans eða þar sem nemendur deila niðurstöðum sínum.

Hægt að nota mismundandi kennsluaðferðir í umræðu. Á vef Setbergs er að finna dæmi um nokkrar kennsluaðferðir sem gagnast í umræðum s.s. einn-tveir-allir (think-pair-share) o.fl.

Samkvæmt Ingvari Sigurgeirssyni (1999) henta umræður vel í allflestum námsgreinum og á ólíkum skólastigum. Einn aðal kosturinn við umræður sem kennsluaðferð er að nemendur þjálfast í rökræðum og samskiptum við annað fólk.

Í myndbandinu er sýnd uppsetning umræðu og möguleikar umræðna útskýrðir. Allar umræður sem eru stofnaðar á námskeiðsvef er að finna undir hlekknum Umræður í valmynd námskeiðs. Umræða sem er sett upp sem hluti af námsmati kemur einnig fram undir Verkefnum í valmynd líkt og annað sem metið er til einkunnar. Umræðu er hægt að stofna inn í einingu eða með því að fara í Umræður í valmyndinni.

Leiðbeiningar um einstök atriði á vef Instructure:

Nánari leiðbeiningar um einstök atriði umræðu á vef Instructure.