Hvernig veit ég hvort námskeiðsvefurinn er tilbúinn?
Í Canvas leiðbeiningum kennara er Tékklisti - Er kennsluvefur námskeiðs tilbúinn? (könnun) sem kennarar geta notað til að fá hugmynd um hvort eitthvað mikilvægt hefur gleymst.

Hvernig er hægt að flytja skráarsafn úr eldra námskeiði í Uglu inn í námskeið í Canvas?

Sjá vídeóið Skráarsafn námskeiðs í Uglu flutt í Canvas í leiðbeiningum kennara.

Er mögulegt að endurheimta atriði sem kennari eyddi óvart á námskeiðinu?
Já, marga hluti er hægt að endurheimta, ásamt skilum nemenda, einkunnum og endurgjöf. Byrjað er að fara á heimasíðu námskeiðsins. Aftan við slóðina í vafranum er bætt við /undelete. Þá kemur upp listi með atriðum sem hefur verið eytt í námskeiðinu. Smelltu á restore við atriðið sem á að endurheimta. Athugið að verkefni eða atriði sem er eytt er ekki endalaust tiltækt í listanum þannig að best er að endurheimta sem fyrst. Ekki er mögulegt að endurheimta spurningabanka eða skrá sem er eytt í skráarsafni.

Hvernig er fyrri útgáfa af síðu endurheimt?
Með síðuna opna er farið í möguleika síðunnar (punktana þrjá) í efra hægra horni og valið Skoða sögu síðu. Smellt er á dagsetningu til að skoða fyrri útgáfu af síðunni og á Endurheimta þessa endurskoðun.

Hvernig er sett inn tjámynd (emoji)?
Með því að halda niðri Windows hnappi og ýta á punkt á lyklaborðinu. Á makka Cmd + Alt + bilslá.

Er hægt að láta tengil sem búinn er til í ritlinum, opnast í nýjum glugga í vafranum?
Canvas opnar yfirleitt tengla út fyrir kerfið í nýjum flipa, en til að tryggja að tengill opnist í nýjum flipa og notandinn sé áfram með námskeiðið opið er hægt að nota flýtileiðina Ctrl-K. Þá kemur upp gluggi sem býður upp á að setja inn slóð tengilsins og velja „New window“ við „Target“.

Hvernig er farið í næstu línu í ritlinum, án þess að búa til nýja málsgrein?
Með því að halda shift-hnappi lyklaborðsins niðri á meðan smellt er á enter.

Hvernig er hægt að flytja inn margar skrár og möppur í einu í skráarsafnið?
Það þarf að byrja á að þjappa skrárnar (eða möppurnar) í eina zip skrá. Því næst er námskeið opnað í Canvas, farið í skrár í leiðartré námskeiðs og mappan opnuð sem skrárnar eiga að hlaðast í. Smellt á Hlaða upp (hægra megin)- Zip skráin fundin í tölvunni og smellt á Open. Smellt er á Víkka til að afþjappa zip skrána.

Er hægt að setja html kóða í ritilinn?
Þið ykkar sem eruð vön að nota html kóða hafið ef til vill uppgötvað að Canvas hendir oft kóðanum út þegar er vistað. Hér erlisti yfir html tög sem Canvas samþykkir. Í listanum eru líka stílar sem leyfilegt er að nota í ritlinum (style properties).