Grunnþjálfun í Canvas er hugsað fyrir kennara sem eru að byrja að nota kerfið. Farið er í atriði sem nauðsynlegt er að þekkja til að nota námskeiðsvef í Canvas. Það tekur um tvær klukkustundir að fara í gegnum efni námskeiðsins. Í námskeiðinu er farið í sömu atriði og í Canvas grunnþjálfun, námskeiðinu sem Kennslusvið býður kennurum upp á í upphafi misseris.

Eftir að hafa lokið efni námskeiðsins ætti kennari að þekkja umhverfi námskeiðsvefs og geta sett upp algengustu atriði á eigin spýtur.

Vídeó

Námskeiðið byggist á 13 myndböndum, samtals um ein og hálf klukkustund. Efnið var valið út frá því sem talið er að kennari þurfi að þekkja til að nota Canvas fyrir námskeið. Hægt er að horfa á myndböndin í þeirri röð sem hentar en betra er að horfa á þau í þeirri röð sem þau koma fyrir, þar sem stundum er vísað í atriði í fyrra vídeói.

Í sumum myndbandanna er innifalið efnisyfirlit Panopto efnisyfirlit (undir ör neðst) og þá er hægt að flakka á milli kafla.

Undir Panopto Video tenglinum til vinstri eru einnig nokkur auka vídeó.

Verkefni

Fyrir neðan myndböndin eru gefin lítil verkefni sem tengjast innihaldinu. Með því að gera verkefnin getur kennari þjálfað sig í að gera það sem kennt var í myndbandinu.

Í verkefnunum þarf að búa til atriði og gera sýnileg á heimasíðu námskeiðs. Kennurum hefur verið úthlutaður námskeiðsvefur (æfingasvæði) sem hentar vel til þess.

Ef kennara vantar æfingasvæði í Canvas, vinsamlegast sendið beiðni á hjalp@hi.is.